司螢居士修行陰陽宅

腳兄，土主肉是對的，但太旺亦會出現問題，由其是脾胃方面，所以，土太旺，一就是用金洩，一就是用木剋，
今年己丑干支同氣，如果你是未土月令，己丑就會寒暖得宜，不過，土亦會剋水，小心飲食，不宜太咸太甜，因容易血壓出問題。

如果你遇金覺得精神，出年應該會開始轉好。

多謝kan兄提點. 之後仲有好多八字唔明地方要請教你

龍兄, 對唔住! 我諗我唔scan得本書上來. 我禮貌地send左email問老師可唔可以容許我將d內容scan左去俾幾個佢既小粉絲. 因為大家在香港買不到, 又訂不到.


以下是司螢老師email回覆:

=====================================================
桉祿 錢 寄給 我
顯示詳細資料 22:13 (12 小時前)

書有版權.可向台灣出版社買.網站之內容可下載.下一本:元神宮的真相.
祝 平安 司螢居士筆 2009.8.26.22:13
======================================================

我諗下仲有冇辦法先!

老師下一本書想出元神宮

un-腳兄，別客氣，八字的問題，如果我能夠理解的話，我會盡量解答，
元神宮？真的期待中，
uN-腳兄，我想，司螢不會再出關於八字的書籍，因為他的三冊巨著，已經包含了八字應有的法則，
如果再想深究，就要從五行的基本著手。

KAN兄 :
係la. 真係估唔到係"元神宮"wor. 你都講得啱, 司螢老師應該唔會再出有關八字既書. 佢已經去佢第二個層次.

龍兄:
終於諗到個方法, 就係我將本書贈送俾你la. 我諗本書響我身上既使命應該完結左. 如果將本書再傳俾第二個有緣人應該更加好. 不如你用短信send你個郵寄地址俾我, 我聽日去郵局掛號寄俾你, 你覺得點??

kan0318 寫到:腳兄，土主肉是對的，但太旺亦會出現問題，由其是脾胃方面，所以，土太旺，一就是用金洩，一就是用木剋，
今年己丑干支同氣，如果你是未土月令，己丑就會寒暖得宜，不過，土亦會剋水，小心飲食，不宜太咸太甜，因容易血壓出問題。

如果你遇金覺得精神，出年應該會開始轉好。

唔知係咪印制食傷關係, 上個月係有烏烏下既感覺, 同時間就多左d奇異靈感.
申月明顯精神好d, 腦筋比較清醒.

申月辛丑日(24aug)發現痔瘡不藥而癒.

更加證明自己係凡人一個, 活於五行規律之中. 要沖出五行, 談何容易..

腳兄，水主智，又主聰明，但如果水被土混反主遲鈍，例如，己混壬等，
壬申月，是金生水，傷食主表達，腳兄，你果然多了在這裡發言，哈哈，好喔，反正增加不少話題。

至於痔瘡之類病毒，滴天髓也已經在疾病論中說，火鬱金生毒，這種毒，是濃瘡、含濃的一類，

人本身就已經被五行所束縛，風(呼吸，屬金，因為用肺來呼吸)，火(溫度，人體有溫度)，水(血液，身體上的液體)，土(肌肉)，木(手腳毛髮)，所以，人類怎可以逃離五行的氣數？

小弟不建議大家學八宅,八宅根本係假風水(係一套錯哂logic 0既垃圾....東四宅, 西四宅.....偽學), 係以前用黎呃鬼佬時所創
大家要學風水, 我建議大家學玄空飛星 / 八字風水 / 玄空大卦
小弟現時用的是玄空飛星風水

我對風水未有深入既研究, 所以不太清楚八宅是什麼.

而司螢老師"應該"係用三元地理六十四卦黎睇陰陽宅, 唔知同你講果d相唔相同

要跳出五行束縛, 即唔受八字大運流年流月天干地支所影響, 簡單講即係要改運. 辦法唔係冇既, 以我所知就一個,

就係多做善事, 至為最有效.

如果要改變命運，而多做善事，會否變成了一種交易？
我認為，做善事應該是發自內心，無所謂改變甚麼，只是無私奉獻。

kan0318 寫到:如果要改變命運，而多做善事，會否變成了一種交易？
我認為，做善事應該是發自內心，無所謂改變甚麼，只是無私奉獻。

係我寫得唔好. 應該多做發自內心而又無私心既善事

腳兄，唔係你寫得唔好，我只是想表達，有些做善事的人，他們的心態只是一種交易的心態，而不是發自內心。

小弟昨晚都買到了, 在馬健記買, 而我買果本係最後一本

腳兄, 你的遭遇很奇妙, 請問而家你個頭既感覺仲係咪脹脹下咁?

嚴雪兄，很久不見，別來無恙吧？
印象中，你也是印星重之人，我想，你的情況會和腳兄差不多

Kan 兄, 你好, 好耐冇留言, 但我差不多日日都有黎睇架, 哈哈
咁岩見到腳 兄留言, 見到佢既遭遇好奇妙, 加上聽佢講修緊中脈, 咁岩我之前都修過, 想問問佢而家狀態點.

近排好多損傷, 好黑仔, 又整親腳, 而家行路都有問題
仲成日無啦啦比人鬧一餐, 例如屋企人, 街邊既路人, 商店入面既人....總之係人都過黎插返我兩下=.=

Kan 兄真好記性啊, 小弟的月提是午火正印啊, 但一直搞不清究竟係正印定係羊刃
因為有 d 書話, 戊土午月, 是為正印, 不當是羊刃
可能就係因為呢個印星, 我都會有機會接觸下 d 五術同埋修行既野
但我又好驚呢 d 野的, 好矛盾, 可能我印為忌吧, 呵呵
印重, 人懶, 對我黎講係真的, 午月後, 我日日都至少訓 12 小時, 終日懶洋洋的

Kan 兄你又點? 近排研究什麼?
一直想問 kan 兄你, 兄的八字技巧純熟, 斷事神準, 有冇試過或者諗過, 以四柱起卦斷事? (即八字卦)

講返本書既內容, 我都快"立" 左一次
本書初頭講既野, 真係同腳兄好有同感, 奇幻莫測, 甚至乎覺得作者真係有妄想症或吹牛
有呢種感覺, 並唔代表作者真係一個咁既人, 我亦同腳兄一樣諗法, 作者是一個好人, 善人, 只係講既野, 似曾相識...

其實, 我係比較關心腳兄既情況, 因為見到佢講, 佢情況有少少似我初頭既癥狀

嚴兄，戊生午月應作印來看，正理上，都是火生土，但當然，戊土已經是燥土，還要加上午火，便會火炎土燥。
我近來也已經少了時間Update，一來是時間問題，二來是學業問題，事事困身，忙得不可開交

看你與腳兄的情況，如果沒有看過司螢居士，或者對仙佛沒有認識，真的會以為是神經病，
我就沒有這緣份了，或許是印星的問題，就算是流年到來，都只是短短兩年，亦是有緣無份，
我只可以靜觀你們的對話，哈哈

嚴兄，至於時空卦，我也有研究，亦認為是可行的，法無定法，算命本是用任何方法也可以推算的，
問題當然是要建基於五行與陰陽之上，有機會我也要一試先。

嚴雪 寫到:小弟昨晚都買到了, 在馬健記買, 而我買果本係最後一本

腳兄, 你的遭遇很奇妙, 請問而家你個頭既感覺仲係咪脹脹下咁?

唔係卦.....馬x記條友又話有書會打俾我 要爆粗 , 最憎人無口 teeth

UN_UN_腳 寫到:龍兄, 對唔住! 我諗我唔scan得本書上來. 我禮貌地send左email問老師可唔可以容許我將d內容scan左去俾幾個佢既小粉絲. 因為大家在香港買不到, 又訂不到.


以下是司螢老師email回覆:

=====================================================
桉祿 錢 寄給 我
顯示詳細資料 22:13 (12 小時前)

書有版權.可向台灣出版社買.網站之內容可下載.下一本:元神宮的真相.
祝 平安 司螢居士筆 2009.8.26.22:13
======================================================

我諗下仲有冇辦法先!

老師下一本書想出元神宮

唔駛對唔住, 不過我真係無諗過...你會send email 俾個作者, 咁都得.....咁大陸咁多e-book...算啦, 我都忙, 我巳好少上來

嚴雪 寫到:講返本書既內容, 我都快"立" 左一次
本書初頭講既野, 真係同腳兄好有同感, 奇幻莫測, 甚至乎覺得作者真係有妄想症或吹牛
有呢種感覺, 並唔代表作者真係一個咁既人, 我亦同腳兄一樣諗法, 作者是一個好人, 善人, 只係講既野, 似曾相識...

其實, 我係比較關心腳兄既情況, 因為見到佢講, 佢情況有少少似我初頭既癥狀

其實作者我猜佢係講緊密宗/氣功/道術果d感應吧.....一般人少接觸都會有這類反應

你去d記同u記的宗教版的佛教版, 其實都有不少人有類似的經驗

咁嚴雪兄你初頭既癥狀有無頭痛同眉心輪狂跳呀, 或眼見金光或紫光

嚴雪 寫到:小弟昨晚都買到了, 在馬健記買, 而我買果本係最後一本

腳兄, 你的遭遇很奇妙, 請問而家你個頭既感覺仲係咪脹脹下咁?

依家唔係. 但如果keep住做中脈呼吸加觀想法(即書中所講既逆時鐘光氣向上沖), 個頭就會keep住有鼓氣. 嚴兄, 你都可以試下! 我自己試過, 個書既描述係差不多.

嚴雪 寫到:講返本書既內容, 我都快"立" 左一次
本書初頭講既野, 真係同腳兄好有同感, 奇幻莫測, 甚至乎覺得作者真係有妄想症或吹牛
有呢種感覺, 並唔代表作者真係一個咁既人, 我亦同腳兄一樣諗法, 作者是一個好人, 善人, 只係講既野, 似曾相識...

其實, 我係比較關心腳兄既情況, 因為見到佢講, 佢情況有少少似我初頭既癥狀

多謝關心. 我自己偏向認為係大運, 流年, 流月行印所致. 亦可能係命中印運既安排. 而"修行陰陽宅"只係引動我個奇異旅程既劇本. 書中修行部份就睇過好多次, 但64卦陰陽宅就真係唔多明白老師講緊乜

不過, 我都好高興聽到你話"有d同感", 第一次睇個陣真係俾佢嚇親

kan0318 寫到:嚴兄，戊生午月應作印來看，正理上，都是火生土，但當然，戊土已經是燥土，還要加上午火，便會火炎土燥。
我近來也已經少了時間Update，一來是時間問題，二來是學業問題，事事困身，忙得不可開交

看你與腳兄的情況，如果沒有看過司螢居士，或者對仙佛沒有認識，真的會以為是神經病，
我就沒有這緣份了，或許是印星的問題，就算是流年到來，都只是短短兩年，亦是有緣無份，
我只可以靜觀你們的對話，哈哈

嚴兄，至於時空卦，我也有研究，亦認為是可行的，法無定法，算命本是用任何方法也可以推算的，
問題當然是要建基於五行與陰陽之上，有機會我也要一試先。

kan兄, 我反而認為你可能係我地當中同仙佛最有緣個位.
我記得書中有寫一段說話, 大概意思係 "對玄學有興趣既人, 係因為前世種下左善根所致" 所以你對呢方面特別有研究, 我諗你應該係好有淵源就真

淺水姣龍designprogram 寫到:

UN_UN_腳 寫到:龍兄, 對唔住! 我諗我唔scan得本書上來. 我禮貌地send左email問老師可唔可以容許我將d內容scan左去俾幾個佢既小粉絲. 因為大家在香港買不到, 又訂不到.


以下是司螢老師email回覆:

=====================================================
桉祿 錢 寄給 我
顯示詳細資料 22:13 (12 小時前)

書有版權.可向台灣出版社買.網站之內容可下載.下一本:元神宮的真相.
祝 平安 司螢居士筆 2009.8.26.22:13
======================================================

我諗下仲有冇辦法先!

老師下一本書想出元神宮

唔駛對唔住, 不過我真係無諗過...你會send email 俾個作者, 咁都得.....咁大陸咁多e-book...算啦, 我都忙, 我巳好少上來

其實我都係諗一試無妨. 如果佢話得既我當然心安理得.

龍兄, 你係咪想要本書, 我可以送俾你.