六爻新法

剛剛看了六爻新法的電子書，書內主要是介紹六爻旺衰的看法，但小弟覺得有點牽強，
因為，世爻的旺衰作者涉及用年柱來看，所以，作者一時說是年柱作怪，一時又說是月柱作怪，
所得定論，有失偏頗，令學者無所適從，看了兩篇，我已經丟在一處。

kan0318 寫到:剛剛看了六爻新法的電子書，書內主要是介紹六爻旺衰的看法，但小弟覺得有點牽強，
因為，世爻的旺衰作者涉及用年柱來看，所以，作者一時說是年柱作怪，一時又說是月柱作怪，
所得定論，有失偏頗，令學者無所適從，看了兩篇，我已經丟在一處。

我係不懂, 但老實講, 旺衰點會搵年柱架, 係都搵月柱啦, 都唔make sense...

世上無其不有，要自成一派，當然要搞D卓頭

有的斷卦法, 是必需用上年支的
例如流年卦

"一年之中, 太歲最惡"
呢句話就係指年支的影響力了

年月日時, 其實都會影響爻的衰旺, 只是一般只用月及日
但年月日時, 對爻的影響力又各有不同

當然可能唔係每個派別都會用上, 但如果唔用上太歲, 要斷流年卦及終生卦就難度高了

嚴兄，其實這新法，主要是用上年支來決定世爻的旺衰，
而用來預測年卦，在取用神上，扶抑斷卦法也是有用上年支的，
但這六爻新法當中，有些批斷是有點牽強。

嚴雪 寫到:有的斷卦法, 是必需用上年支的
例如流年卦

"一年之中, 太歲最惡"
呢句話就係指年支的影響力了

年月日時, 其實都會影響爻的衰旺, 只是一般只用月及日
但年月日時, 對爻的影響力又各有不同

當然可能唔係每個派別都會用上, 但如果唔用上太歲, 要斷流年卦及終生卦就難度高了

講開流年卦, 像2009年香港經濟或自己自身的卦, 我睇咁多個師傅講的批的, 都好難有百分之七十批中出來....連多過一半都無...

終身卦更是只看過國內的批者, 但真假很難定套....

是否因為用了年柱來看旺衰呢?? 還是師大功力不行呢??? 書內講的批例, 我覺得好多係馬後炮多d...

你地批流年卦同終身卦ok 唔ok?? 六爻其實批流年卦同終身卦, 是否practical 呢?? 我都好想知下....

這方面或要由嚴兄來發表一下，我這些門外漢，卦技真的只是讓人發笑。
終身、流年方面，我還是用上八字會有信心，細微細眼，我會用上卜卦。

Kan 兄, 龍兄,

聽老師講流年同終身卦係好高階既斷法, 而且我自己當時都未學到
但老師曾講解過一個流年卦例, 當年, 叫得卦例, 可能都係馬後炮都未定, 哈哈

而用上年支來斷卦, 呢個唔係乜野特別技法, 係好平常的
因為當你裝卦時, 就會裝上年月日支, 反而時支未必會裝上, 當然, 時支係有佢既用處的, 大家都可能睇過一d 古書既卦例係占擒賊的, 這時候就會用上時支

而年支呢? 就算唔係斷終身流年, 都有其他地方會用到, 例如有人問今年感情或財運等等
有時問事者, 未必會在求占時說明時間的限制, 可能只係問 "我想問感情"
呢種問法, 點樣幫佢解卦呢? 總冇理由用月及日, 每日咁同佢睇下幾時有感情, 所以呢 d case 參考一下年支係幾好既做法
所以, 每當有朋友叫我解卦時, 我都好嚴格要求佢地訂出問時的期限.
例如, "我呢個月工作運會點呢?"
如果佢咁問, 你只要睇佢呢一個月就可以了, 過了呢個月, 可以再問過囉
如果就咁問 "我工作運如何?"
如果得出一條很差勁的卦, 咁佢咪一直都差落去直至永遠?
不過, 我都唔知咁係岩定錯, 但呢種問卦法係老師教我的, 因為問卦係一個幾緊要既技巧來
但, 斷卦技巧高超的人, 唔駛要求問事者咁多的, 佢自己會斷到條卦出黎, 呢個我相信要經驗同技術先可以做到咁

龍兄,

求一支卦及斷一支卦對小弟黎講, 實在太難
所以, 有 d 大師卜卦同斷卦唔準, 我都唔覺得奇怪, 因為, 錯卦經常發生的

簡單一個例子, 占球賽
世為主, 應為客, 最簡單不過
若求得的卦好明顯係世強剋應, 但又唔一定係主隊勝的
呢個例子, 都幾值得研究, 因為, 點樣去定邊隊係主隊呢?
有人以球隊的所在地最接近球場的為主隊
有人以到達場地後, 休息時間比較長的為主隊 (靜為主, 動為客)
當然, 有更聰明的做法, 但係, 命中都唔會高的

只係要占一個咁簡單既答案, 都唔會中, 試問世間事咁複雜, 點可以占得中呢?
當然, 有前輩高手係可以占得中的, 可惜我冇呢個能力..哈哈

我很同意 Kan 兄的觀點.

小弟覺得每種術數都有其應用範疇, 或某方面係特別強的
如果看人生大勢, 流年等等, 如通曉八字, 就用八字好了

Kan 兄,

兄不用太謙啊, 你斷卦的準確度不下於占卜老手啊
小弟還有一件事想請教下
就是在占卜版有一卦叫 "占匯豐牛"
兄可否說一下推論的細節? 因為呢條卦對小弟黎講係幾特別, 想學下野!!

嚴雪 寫到:Kan 兄, 龍兄,

聽老師講流年同終身卦係好高階既斷法, 而且我自己當時都未學到
但老師曾講解過一個流年卦例, 當年, 叫得卦例, 可能都係馬後炮都未定, 哈哈

而用上年支來斷卦, 呢個唔係乜野特別技法, 係好平常的
因為當你裝卦時, 就會裝上年月日支, 反而時支未必會裝上, 當然, 時支係有佢既用處的, 大家都可能睇過一d 古書既卦例係占擒賊的, 這時候就會用上時支

而年支呢? 就算唔係斷終身流年, 都有其他地方會用到, 例如有人問今年感情或財運等等
有時問事者, 未必會在求占時說明時間的限制, 可能只係問 "我想問感情"
呢種問法, 點樣幫佢解卦呢? 總冇理由用月及日, 每日咁同佢睇下幾時有感情, 所以呢 d case 參考一下年支係幾好既做法
所以, 每當有朋友叫我解卦時, 我都好嚴格要求佢地訂出問時的期限.
例如, "我呢個月工作運會點呢?"
如果佢咁問, 你只要睇佢呢一個月就可以了, 過了呢個月, 可以再問過囉
如果就咁問 "我工作運如何?"
如果得出一條很差勁的卦, 咁佢咪一直都差落去直至永遠?
不過, 我都唔知咁係岩定錯, 但呢種問卦法係老師教我的, 因為問卦係一個幾緊要既技巧來
但, 斷卦技巧高超的人, 唔駛要求問事者咁多的, 佢自己會斷到條卦出黎, 呢個我相信要經驗同技術先可以做到咁

簡單一句, 用年柱斷卦, 可以有幾準幾practical?

一支卦如果占時間太長, 內容可以講幾多呢? 準確性有幾高? 有沒有其他方法可以類像八字咁可以有流年十運咁一個個來斷呢? 我成日聽人講流年卦係一支好豐富的卦, 內有好多信息, 但係真係搵師傅來試, 像今年流年全年香港運情, 可以有幾多信息全部睇出來, 有幾多%占中呢? 我一直都在想....

好像楊天命每天都用占卦來測全年香港經濟, 股市, 美市等等....上年巳錯了.....我成日都覺得占流年卦的, 內容由你up, 可以幾十句, 又可以幾句, 咁其實一支流年卦可以講幾多內容, 真係無乜定案呢?? 而且時間長了, 中間的變化一定多, 咁又點解釋到中間的問題呢? 唔通要用互卦來補充?? 就好似講全年HSI, 咁就有起同落, 咁咪實中, 又可以話實唔中??? (李X責就係咁講, 被人抽後腳了)

小弟不材, 希望各師兄指點指教下.....

SORRY, 做了問題中年~ 哈哈....唔係問題少年

嚴雪 寫到:我很同意 Kan 兄的觀點.

小弟覺得每種術數都有其應用範疇, 或某方面係特別強的
如果看人生大勢, 流年等等, 如通曉八字, 就用八字好了

我也贊成..

我主要係唔明白D 高手點睇流年卦同終身卦者...

龍兄,

問題中年, 哈哈 !!! 我同你一樣都係 !!!

其實年月日時, 同八字差不多
年睇一整年的大勢
因此, 準唔準, 唔關用唔用上年支來斷卦既事

而一卦多斷都係高階學問
以兄所說, 占香港本年大運的卦, 先不論由這些大師去占是否恰當, 純以學習的觀點去睇
在一支卦中有六親, 因此你想知唔同既野, 就以不同的六親作用神
想知香港今年財運係點, 最簡單看財爻
政府施政有力冇力, 看官爻
大致上就係咁簡單
簡單講, 財爻若得太歲生扶, 本年財運大致上會唔錯的
再細看月支, 就可見到每月既走勢
再看日支, 又可看到每日既催勢
不過, 既然求問時係問本年, 咁即係用年月已經足夠了, 但唔好忘記, 六爻最關鍵的就係要看日辰

一支卦, 要睇到既訊息實在太多太多
世應, 飛伏, 變爻, 主卦, 變卦, 年月日時辰, 六獸, 六親, 爻位, 內外, 間爻閒爻, 卦身, 長生墓絕....數之不盡...哈哈
不過互卦應該不是主流, 應該係梅易的, 六爻只用上六合六沖, 遊魂歸魂等等.

楊先生舊年好似真係麻麻地, 但前年佢又好 ok 喎, 哈哈

嚴雪 寫到:Kan 兄,

兄不用太謙啊, 你斷卦的準確度不下於占卜老手啊
小弟還有一件事想請教下
就是在占卜版有一卦叫 "占匯豐牛"
兄可否說一下推論的細節? 因為呢條卦對小弟黎講係幾特別, 想學下野!!

　己丑年　丙寅月　丙午日　甲午時　　日空亡：寅卯　│
└─────────────────────────┘
　　 　　　　 坎宮：水澤節 (六合)　　 　　坎宮：水雷屯 　　　
六神　伏神　 　本　 　　卦　　 　 　　 　　變　 　　卦
青龍 　　　　 兄弟戊子 ▅▅　▅▅ 　 　　 兄弟戊子 ▅▅　▅▅ 　
玄武 　　　　 官鬼戊戌 ▅▅▅▅▅ 　 　　 官鬼戊戌 ▅▅▅▅▅ 應
白虎 　　　　 父母戊申 ▅▅　▅▅ 應 　　 父母戊申 ▅▅　▅▅ 　
騰蛇 　　　　 官鬼丁丑 ▅▅　▅▅ 　 　　 官鬼庚辰 ▅▅　▅▅ 　
勾陳 　　　　 子孫丁卯 ▅▅▅▅▅ 　 ○→ 子孫庚寅 ▅▅　▅▅ 世
朱雀 　　　　 妻財丁巳 ▅▅▅▅▅ 世 　　 兄弟庚子 ▅▅▅▅▅ 　

嚴兄，此卦是如此的，
六合卦，在扶抑法中，世爻是強，強，本需抑制，但因為在此卦的二爻當中，是卯木生世爻的，所以，這卦在扶抑法中，是作從強來看，即是說，這卦本身是要扶，因為從強嘛。

好了，卜卦當日，寅卯是落入空亡，在扶抑法中，如果當應爻或世爻的鄰爻是生扶世爻之時，而此爻落入空亡，此卦又要當作是抑制來看。
不知此點明白否？

繼續，此卦需抑的話，操作如下：
用神：丑、申、戌、子
忌神：卯
論財運，世爻為持票者，持妻財且旺於日辰，即是說，當日命主買入了不少股，卯木發動，已經是不吉之兆，卯木既然為忌，當然不動為妙，發動以凶推，卯木發動，它會剋官鬼，生世爻，官鬼為公司為用神，官鬼被動，政策有變，需然卯木空亡，但旺相必有用，卯又生世財爻，因為此爻需抑，生扶世爻不吉，所以，必定破財

Kan 兄,

謝謝你詳細的解說啊, 小弟明白了
原來扶抑是有從強的, 個推論真係好似八字

對，真的很像，但道理是否互通，我還未深研。