南懷瑾：易經雜說

為左答謝KAN兄俾機會小弟係度廢UP，打嚮頭炮，先分享一本基本中既基本，入門中既入門書；雖然係咁講，但係小弟呢幾日又揭下，發覺又有D新野學到。

書名：易經雜說
作者：南懷瑾
出版社：台灣老古文化（繁體）／上海復旦大學出版社（簡體）

此書其實係南師關於周易既講記，由學生們筆錄。南懷瑾現在已經九十幾歲，曾經做過國軍將領，亦做過生意，但係一般人對佢既評價係博古通今既國學大師，於儒釋道三家到武功氣功中醫養生都有深刻研究。我自己最推崇佢對周易既研究。可以搞明周易，唔係一般研究詩詞歌賦所謂’’國學’’既人能力範圍之內，因為周易發展出整個易學架構，龐雜無比，既涉及形而下既自然科學，占卜術數，天文曆學，醫藥養生，甚至棋藝，武術，音律，行軍等等，亦涉及形而上既宇宙本體，陰陽五行（按：一般學者傾向周易本身並不涉及五行，但係後來易學體系發展則同五行理論連繫起來），人生哲學等等，更加係中國文化所有哲學既源頭。一般周易導論或許偏重某一方面，或者整體過於簡略。南師呢個講座可以話係做到相當之好既平衡。

此講座首先解釋易經為何物，一般專家接受既’’來歷’’，何謂’經’，何謂’傳’；之後用非常生動既方式介紹八卦，強調八卦符號本來就係圖畫，無需死記硬背；學易經既其中一個重要原則係’’玩索而有得’’，即係好似抱住打麻雀既心態玩住咁研究先至係正路。之後解釋先後天八卦圖及六十四卦既來歷同意義，進而介紹周易卦圖既基本條例及象數基礎，例如何謂’’應，承，乘，比’’，以及何謂錯卦及綜卦等等，說明周易既卦爻辭係有原則既，並非文王父子亂寫一通。之後介紹比較出名既易學家，例如焦贛，京房兩師徒，郭璞，卲康節等等。其中亦會順道說明天干地支，京房八宮卦序及其納甲原理等，亦會對河圖及洛書作出介紹。最後一部份為周易’’繫辭傳’’及經文本身既部份介紹及研討。如果對周易有興趣，此講座及其續集’’周易繫傳別講’’絕對不可錯過。

此書及’’周易繫傳別講’’在聯合出版集團旗下書店有售，鼎大及陳湘記更加有折，不過上海印書館有簡體版，可以考慮。台灣繁體原版為兩本獨立發售，上海復旦大學簡體版則有合訂本；公立圖書館亦有甚多COPIES可以借，小弟亦有PDF版；有興趣索取者請填妥申請表格，回郵信封郵寄九龍郵政信箱10700號，商業電台收，信封面注明’’索取PDF’’。另外此書亦有網上版，但因為其中涉及相當多既圖，其中可能有缺失，小弟就不推薦了。

商業電台?

南懷瑾，我也有他兩本著作，一本是易經雜說，一套是易經繫傳別講。
南師在某個網站被評擊身份特殊，但姑勿論他身份怎樣，我研究的，只是他的易經。

雜說這書在解釋理、數、象的確不錯，易明，但有些內容我認為是比較沉悶。

別傳這書因為還未看，沒有評論

小弟不知道南師身份如何特殊，只覺得佢係一個博古通今帶正義感既老頑童。身份特殊一事KAN兄能否詳述？

大陸易學大師潘雨廷對南懷瑾多有肯定，尤其是南師及其學生徐芹庭所寫既’周易今註今譯’（台灣商務印書館），認為南徐二人顧及象數理，係易學既正途。事實上此書雖然具有相當參考價值，但係其實大多出自徐氏手筆，佢偏重虞翻易，即係東漢易，個人意見係東漢易經常有牽強附會既情況。如果對照大陸黃壽祺教授既’周易譯註’（上海古籍出版寫），可以發現雖然黃教授係尚秉和既學生（按：關於尚秉和，小弟以後會化相當篇幅介紹），但係佢尚且唔敢將其師既理論照搬入’周易譯註’，因為咁樣學術相當之偏頗某一觀點，對於一般面向群眾既周易註解，係相當唔恰當。由此可見，徐芹庭如此偏頗虞氏易，似乎覺得虞氏易係周易唯一正解，可能學術上有某D企圖。

講返南師本書，我覺得佢所有講座都不免欠缺系統性，經常唔知講左去邊，可能就係KAN兄覺得悶既原因。從好既方向諗，順便學下其他野，聽佢講下古仔嘛，哈哈。其實咁都有好處，因為小弟既意見係，因為周易本身涉及太多野，如果本身唔夠博學，其實好難理解。例如，研究周易唔係訓詁或者考古咁簡單，而係真係要從術數，中醫，養生，武功，天文曆法之類既野度逆向思維去破解周易；一般對住經文一味死挫爛挫既所謂學者恐怕冇可能理解周易。

南師的身份聽其台灣的網友報導，好像是間諜之類，但這些身份因為比較敏感，坊間也沒有提及太多。

易經，在個人認為，只是一個讓你思考的空間，你可以從拳術中領悟、可以從科學中領悟、可以從命理中領悟、人生、軍事、學科等等......太多太多。

所以，有很多學者也有研易，當然，卜卦的亦佔了很重比例，但坊間以為易經是一個高層次的，不容易理解的一種哲學。

其實只是世人把它想得太複雜，易經從沒有要你規範在一個空間，固定的環境中操作，又或者可以說，每個人，都有每個人的易經。