有關帶玉既疑問??

農曆新年前後成日聽到d玄學家話帶唔同十二生肖玉去合太歲, 合年支等等黎化刑克沖.

new起左我條引想去了解下點解d人會話帶十二生肖形既玉就可以達到化煞效果. 尤其市面上既玉琳瑯滿目, 如果唔仔細睇可能都唔知係乜生肖動物, 所以令我對帶玉可以化煞真係好有懷疑. 我所了解既十二地支主要係同時間&方向有關, 而十二生肖既動物似乎沒有什麼直接關係, 故此, 過去一個星期想尋找有關資料, 發覺相當困難. 資料少外, 就算有都沒有詳細解釋. 有關資料可綜合為兩點:

(1) 至古留傳玉帶靈氣, 有令人定神定驚作用. 但沒有提合有關生肖玉既資料.
(2) 反而見到有書提及帶有十二支名稱既金牌 (照我理解 e.g. 帶"子"字既金牌 = 帶玉鼠一樣), 而此做法源於 "奇門轉運金牌". 是真是假, 不得而知. 因為搵唔到更多相關資料.

我既立場,十二生肖只係名稱而已, 等同西方十二星座個名稱一樣. 我真係好懷疑帶十二生肖形既玉係咪有效. 用咁既方法就可以平衡八字五行同流年太歲?

大家有冇相關資料可以一齊討論??

這些觀念，不用太上心，因為我試過，戴與不戴，效果一樣。

UN_UN_腳 寫到:農曆新年前後成日聽到d玄學家話帶唔同十二生肖玉去合太歲, 合年支等等黎化刑克沖.

new起左我條引想去了解下點解d人會話帶十二生肖形既玉就可以達到化煞效果. 尤其市面上既玉琳瑯滿目, 如果唔仔細睇可能都唔知係乜生肖動物, 所以令我對帶玉可以化煞真係好有懷疑. 我所了解既十二地支主要係同時間&方向有關, 而十二生肖既動物似乎沒有什麼直接關係, 故此, 過去一個星期想尋找有關資料, 發覺相當困難. 資料少外, 就算有都沒有詳細解釋. 有關資料可綜合為兩點:

(1) 至古留傳玉帶靈氣, 有令人定神定驚作用. 但沒有提合有關生肖玉既資料.
(2) 反而見到有書提及帶有十二支名稱既金牌 (照我理解 e.g. 帶"子"字既金牌 = 帶玉鼠一樣), 而此做法源於 "奇門轉運金牌". 是真是假, 不得而知. 因為搵唔到更多相關資料.

我既立場,十二生肖只係名稱而已, 等同西方十二星座個名稱一樣. 我真係好懷疑帶十二生肖形既玉係咪有效. 用咁既方法就可以平衡八字五行同流年太歲?

大家有冇相關資料可以一齊討論??

這個我有個經驗可以分享下....你的問題我也曾研究過..

(1) 至古留傳玉帶靈氣, 有令人定神定驚作用. 但沒有提合有關生肖玉既資料.

我曾經係一個道家的店買了開光的"皮休", 你問我有無效果, 我可以講真是有定神安心的效果, 但要開光, 但形狀像什麼都沒關係, 好多人將以前古人的故事加了很多神怪效果上去, 但我想這個只有心靈上的效果, 同潛意識及念力有少少關係。那時我求"皮休"是為求財, 結果當然無效, 但個人安定了很多是真的, 所以開光加持是真有其事。但沒有開光及只有生肖形狀的玉有無效果, 我個人想法應沒大效果, 都係現在玄學家搵錢的技巧而巳。

(2) 反而見到有書提及帶有十二支名稱既金牌 (照我理解 e.g. 帶"子"字既金牌 = 帶玉鼠一樣), 而此做法源於 "奇門轉運金牌". 是真是假, 不得而知. 因為搵唔到更多相關資料.

你所講的十二支名稱的金牌, 其實是台灣一個玄學家所推出來的, 即八字盤用神欠什麼, 就用一個牌來補助, 當然我未真實驗過, 我不能講他的效用有多少, 但我個人覺得寫一個"中國字"而作為補助八 字盤的, 是有點離題。我覺得是心理作用大過真實玄學效果。我近來有看一本叫"八字風水學", 是本地作家梁X豪的作品, 佢係自己另一本書都有差不多的效果, 但係不是用於八字, 用於風水, 如家某方欠金, 在某一個位寫個中文字"金"貼上去, 作為補償。我覺得效果有相似, 因為其實都係用於五行生克關係而去變化，但寫金木水火土同十二支的中文字會有變化,我就認為效果不會大, 除非是佛號符號。而且個叫"奇門"轉運牌, 我想這個同我們講的三式的奇門無關係, 都係D人扯上去吹....

如果你有學過風水的巒頭佈局, 就明白風水師怎用五行的方位, 物料,形同顏色, 而去啟動產生效果。如果只寫一個中國字而沒特別用法......這個怕跟台灣的姓名學生意差不多.....那非那些字都有"加持"過....

龍兄，真人不露相，唔話你係高人點得。哈哈

kan0318 寫到:龍兄，真人不露相，唔話你係高人點得。哈哈

我唔高呀, 只得一七幾, 要高要搵對高跟鞋先得, 你再笑我我就閃啦.....

不是哦，這些是你的強項，呵呵。

龍兄, KAN 兄, 你地兩個太謙喇!

多謝龍兄既意見. 我都有一D關於皮休既事可以分享. 我之前去西安參觀過古城同劉伯溫所創既第一隻皮休(隻野都好大隻, 又有紅布蓋住), 又碰啱當日古城內有中國科學院院士舉行D short seminar, 內容係有關一d皮休既資料, 包括皮休由來, 種類, 放的方位等. 我同朋友都響古城內各買左d皮休. 因為佢裏面d皮休都有開光同刻有國家專發既圖案, 以防假冒. 而我朋友就講自從佢帶住隻跟身皮休, 感覺係比之前順利 (帶左有 2年). 而我對皮休可能放錯屋企方位, 我就唔覺得有好大分別.

下次得閒等我去睇下d風水書. 之後再同大家跟進交流下