對算命的應有態度

常常有人問我，將來男友是他/她嗎？可賺大錢嗎？將來的子/女有多少個呢？

八字中，它不會告訴你身家有多少，不會知道將來的男/女是甚名誰，更不會知道子/女的數目。

數目，只是一個虛無漂渺的答案，子女方面，頂多只是一個約數，試想想，上一代的子女這麼多，難道一個八字會告訴你這數目嗎？

姻緣更是，在男女雙方中，如果有緣至，的確是可看出，但到底是否如大家所願，就是他/她嗎？這點不敢肯定，但我肯定的告訴你，如果大家的八字中有緣至，機會的確是比較大，但最少限度，你亦要有行動，這機會才會加大，易經有云：吉凶悔吝生乎動，意思是指，如果要知吉凶，也要有行動才可知結果。如果動不也不動，那姻緣會自動飛樸過來嗎？

錢財亦一樣，像我，八字無財，也不會強求，最多是使少一點，搵錢辛苦一點，但都算是有飯開，不會餓死。
同樣，八字財旺的，也要留意，財旺，官殺亦會加強，印星亦會減弱，這就是平衡的道理。

KAN 兄, 贊成你講法....八字及紫微斗數都不能準備講到數目, 但你近學的六爻及iq兄的大六壬應可以啊....

龍兄，那我可就要研究喎.，祿命術，無其不有，需然我不否認有蹟可尋，可能我還未有方法可循吧。

kan0318 寫到:龍兄，那我可就要研究喎.，祿命術，無其不有，需然我不否認有蹟可尋，可能我還未有方法可循吧。

好快啦, 你個底咁強, 你快d學會後來指點下我仲好啦....哈哈

我今日借左本書, 叫" 隱易千金斷" 裡面巳有講"子息占", "產房醫生的醫道深淺", "預測媒人好壞", "預測聘禮情況", "預測婚姻前景及成敗","占配偶門第, 性格, 容貌,品行,", "佔第3者".....至於占求財, 更詳盡....相信六爻同八字配合, 會加強其準碓度的....

至於講數目, 我睇過幾個case, 奇門可以準備估數目出來, 至於六爻及大六壬, 可能要問下iq 兄

龍兄，小弟的底子不是強哦，也後悔這麼遲才學命理，相逢恨晚，但應該會好過孔子一點，因為孔子50歲先學易經，哈哈。
易占初步看來，應該不難，我只是未捉穩重心。

YES, 同埋有IQ 兄可以交流, 佢功力強啊...

IQ兄很忙碌哦，也不好意思打擾他。

kan0318 寫到:IQ兄很忙碌哦，也不好意思打擾他。

係呀, 近來我見他上線都沒有和他論命.....我同佢好好傾, 佢係我偶像來

我見佢係D記同人傾"直覺"，雙方有點火。

kan0318 寫到:我見佢係D記同人傾"直覺"，雙方有點火。

佢近排好似有2單都係咁, 但以前見佢唔係咁....流月對佢有影響? 佢平時好溫文x雅

應該不是，因為IQ本身比較正義，喜愛把正確的思維方式灌輸給命主，可惜因為命主先入為出，不容易接受新一套，因易產生誤會。

小弟確實係比較忙，番來既時候發現兩位竟然談論小弟，實在受寵若驚。

小弟毫無功力可言，龍兄你讚得小弟太誇張，KAN兄所言既正義感亦談不上，只可以話小弟係諸事八卦。

講起子息問題，據小弟自己所知，若過所有我知道既算命個案都包括的話，算準既機會真係好低，但係當然有D高手係相當曉算既，咁我真係唔知道。有趣既係，有D人俾人批完話你會同姓X名Y肖Z既女人結婚，仲有N個仔女。咁個命主唔信命，可以話我偏偏唔同呢個女人結婚，或偏偏唔生N個，所以命理係無稽之談。我覺得呢個想法本身係FALLACY。如果人地真係咁批，而你真係遇到呢個女人，真係好鍾意佢，你會唔會囉自己既幸福去鬥氣？你又剛剛好有N個細路，你又會唔會鬥氣整死其中一個？

當然，究竟用八字或斗數可以唔可以算到EXACTLY有幾多個仔女，我傾向相信係相當之困難，就算真係可以都應該係絕世高手既秘技。。。我比較傾向覺得如果算命可以算呢樣野算得準，係命師已經將命主既背景（即係社會環境，婚姻狀況等等）考慮在內，而根據命理作出判斷。

奇門同六壬，小弟睇古書好似唔多講話EXACTLY可以有幾多個仔女，相信係現代人有突破；龍兄有例子希望可以分享下。

IQ兄，最近我留意李居明的命理書籍，他說，用神煞可以算出有多少個子女，例如：甲1、2乙....等等
這是否屬實，真的未有試過，連羅量也試過用比劫來算出有多少個兄弟姐妹，但都只是大約的，但這方法可放諸四海嗎？
不敢肯定，因為命格中，如果是從格又怎樣？計到嗎？

這就是要考慮的因素，用自己命格看父母、兄弟的運程，這是可行的，但如果還要深入的理解發生何事，還是要有命主的八字才可。

用祿命術來算出姓是甚名誰，地點、數目，其實還有一個考慮因素，假設，中國人問命，問到可否和一個外國人結婚，祿命術可以告訴你英文字嗎？

正是。我覺得，正如KAN兄強調，易象必需套入現實先可以有所指；用數學語言，就係其實易理可以俾出一套解，但係如果要唯一解，就要加入條件。

我記得有一位大師寫過（唔好意思，確實唔記得邊位，可能係亭老，或者胡生），一個人有受外人提攜既跡象，古代或者宜家既中國大陸，通常係解受外省人提攜；但係如果係香港人或者台灣人，可以解俾大陸人或者外國人提攜，而後者機會比較高。呢個其實係將社會環境套左落去解釋命理結果。

根據小弟睇過既一D梅花易數占例，係可以從卦中睇出某D人既姓名；即係，既然姓名自己可以用來起卦（輸入），當然亦可以作為占卜結果（輸出），理論上係咁。不過我自己真係唔識得點樣去辨別姓名／文字既五行或者卦象，呢樣SARA阿姨係專家，或者可以請教下佢。但係假設中國文字有五行，有易數，西方文字亦應該有，不過係規則不同而已。當然呢個係假設。

我自己比較多用象所形容既外形之類去辨別一個人，姓名呢D真係唔識。

名字、文字，是否由易經演化出來，是否可由祿命術中去推測，我還未有定案。
用文字去推測，我認為是觀象的一種，等如睇面相一樣，
用文字的組合折解，再分析這部首是屬於何一類，應該可行。

西方國家都對易經都有很高評價，但如果用西方的文化去了解易經，可能效果會不同。

SARA好多方面都是專家，由其是改名，的確另人佩服

我見過六爻有書講同埋那個邵問春師傅試測過咋.........你對呢個邵師傅有乜評價呀, iq 兄...

iq_imbalance 寫到:正是。我覺得，正如KAN兄強調，易象必需套入現實先可以有所指；用數學語言，就係其實易理可以俾出一套解，但係如果要唯一解，就要加入條件。

我記得有一位大師寫過（唔好意思，確實唔記得邊位，可能係亭老，或者胡生），一個人有受外人提攜既跡象，古代或者宜家既中國大陸，通常係解受外省人提攜；但係如果係香港人或者台灣人，可以解俾大陸人或者外國人提攜，而後者機會比較高。呢個其實係將社會環境套左落去解釋命理結果。

根據小弟睇過既一D梅花易數占例，係可以從卦中睇出某D人既姓名；即係，既然姓名自己可以用來起卦（輸入），當然亦可以作為占卜結果（輸出），理論上係咁。不過我自己真係唔識得點樣去辨別姓名／文字既五行或者卦象，呢樣SARA阿姨係專家，或者可以請教下佢。但係假設中國文字有五行，有易數，西方文字亦應該有，不過係規則不同而已。當然呢個係假設。

我自己比較多用象所形容既外形之類去辨別一個人，姓名呢D真係唔識。

iq兄, 我問過一些測字利害的朋友, 問有關從卦中睇出某D人既姓名, 他們的答案都是跟你一樣, 能看到, 但不容易, 要很強的功力..但他說用字義可能比字形更易估出全名

真的利害，隱世高人是有，但不多。

kan0318 寫到:名字、文字，是否由易經演化出來，是否可由祿命術中去推測，我還未有定案。
用文字去推測，我認為是觀象的一種，等如睇面相一樣，
用文字的組合折解，再分析這部首是屬於何一類，應該可行。

西方國家都對易經都有很高評價，但如果用西方的文化去了解易經，可能效果會不同。

SARA好多方面都是專家，由其是改名，的確另人佩服

咪比頂高帽我帶......我改名既技術好差........完全唔識分字既意義.......

最緊要妳識字就得啦，妳真係謙。